நீங்கள் தேடியது "இலவச கண் சிகிச்சை முகாம்"

ஆலங்குளம்

ஆலங்குளத்தில் அரிமா சங்கம்,மெர்கண்டைல் வங்கி சார்பாக இலவச கண் சிகிச்சை முகாம் நடைபெற்றது. அரசு மேல்நிலைப் பள்ளியில் வைத்து நடைபெற்ற இந்த முகாமிற்கு  மெர்கண்டைல் வங்கி மேலாளர் கணேஷ் பாபு தலைமை தாங்கி முகாமை தொடங்கி வைத்தார். அரிமா சங்க தலைவர்  ஜெயராஜ் முன்னிலை வகித்தார். 

செயலாளர் பாலசுப்பிரமணியன் அனைவரையும் வரவேற்றார். முகாமில் 130 க்கும் மேற்பட்டோர் கலந்து கொண்டனர். அதில் 44 நபர்களுக்கு கண்புறை அறுவை சிகிச்சை செய்து கொள்ள டாக்டர்கள் பரிந்துரைத்தனர். இந்த நிகழ்சியில் அரிமா சங்கத்தை சேர்ந்த உதயராஜ், பாலகிருஷ்ணன், அய்யங்கண்னு, ஜஸ்டின் ராஜ் திரவியம், ராஜகொளுந்து உட்பட பலர் கலந்து கொண்டனர்.

மானாமதுரை:

மானாமதுரையில் தேவேந்திர மக்கள் அறக்கட்டளை சார்பில் இலவச கண் சிகிச்சை முகாம் நடைபெற்றது. பா.ஜனதா தேசிய செயலாளர் எச்.ராஜா தலைமை தாங்கி முகாமை தொடங்கி வைத்தார். முகாமில் எச்.ராஜா பேசும்போது, கர்நாடக சட்டசபை தேர்தலில் பா.ஜனதா ஆட்சியை பிடிக்கும் என்று கருத்து கணிப்புகள் வெளியாகியுள்ளன. அதன்படி கர்நாடகாவில் 135 இடங்களுக்கு மேல் வெற்றிபெற்று பா.ஜனதா ஆட்சி அமைக்கும். 

பின்னர் நடைபெற்ற முகாமில் 200–க்கும் மேற்பட்டோர் கலந்துகொண்டு கண் பரிசோதனை செய்து கொண்டனர். 

முகாமிற்கான ஏற்பாடுகளை தேவேந்திர மக்கள் அறக்கட்டளை நிறுவனர் சிவசங்கரி பரமசிவம், சட்ட ஆலோசகர் சிவகாமி, ஆர்.எஸ்.எஸ். நிர்வாகி கவுதம் உள்ளிட்டோர் செய்திருந்தனர்.